మరో భారం.. పెరగనున్న సిమెంట్ ధరలు

క్రిసిల్ అంచనా మేరకు సిమెంట్ ధరలు పెరిగితే.. గతంలో ఎన్నడూ లేని విధంగా 50 కిలోల సిమెంట్ బస్తా ధర రూ.400కు చేరనుంది. ముడి పదార్థాల ధరల పెరుగుదల వల్లే సిమెంట్ ధరలు పెరగనున్నట్లుగా సిమెంట్ అమ్మకాల కంపెనీలు పేర్కొన్నాయి. ఈ తయారీలో ప్రధాన ముడి పదార్థాలైన బొగ్గు, పెట్ కోక్ ల ధరలు ఇటీవలే భారీగా పెరిగాయి. గతేడాదితో పోలిస్తే బొగ్గు 120 శాతం, పెట్ కోక్ ధర 80 శాతం వరకూ పెరిగింది.

రవాణా ఛార్జీలు సైతం 5 నుంచి 10 శాతం వరకూ పెరగడంతో.. ధరలు పెంచడం తప్ప మరో ప్రత్యామ్నాయం లేదని సిమెంటు కంపెనీలు చెబుతున్నాయి. ఉత్పత్తి ఖర్చుల పెరుగుదలతోనే సిమెంట్ ధరలు పెరుగుతున్నాయని, దీనివల్ల తమకు పెద్దగా లాభం ఉండదని కంపెనీల యాజమాన్యం పేర్కొంది.