అదుపులోనే కరోనా...అయినా భయమే

దేశంలో ఇప్పటి వరకూ 4,46,42,742 మంది కరోనా వైరస్ బారిన పడ్డారు. వీరిలో కరోనాకు చికిత్స పొంది 4,40,90,349 మంది కోలుకున్నారని కేంద్ర వైద్య ఆరోగ్యశాఖ అధికారులు వెల్లడించారు. భారత్ లో ఇప్పటి వరకూ 5,28,961 మంది మరణించారని అధికారులు తెలిపారు. యాక్టివ్ కేసుల శాతం 0.05 శాతంగా నమోదయింది. రికవరీ రేటు 98.76 శాతంగ నమోదయిందని వైద్య ఆరోగ్య శాఖ వెల్లడించింది. రోజువారీ పాజిటివిటీ రేటు 1.24 శాతంగా నమోదయింది. ప్రస్తుతం భారత్ లో 23,432 యాక్టివ్ కేసులు ఉన్నాయి. ఇప్పటి వరకూ దేశ వ్యాప్తంగా 219.55 కోట్ల కరోనా వ్యాక్సిన్ డోసులను పంపిణీ చేసినట్లు అధికారులు వెల్లడించారు.