20 నిమిషాల్లో 90శాతం సామర్థ్యాన్ని కోల్పోతున్న కోవిడ్..తాజా అధ్యయనంలో వెల్లడి
వైరస్ కణాలు ఊపిరితిత్తుల యొక్క సాపేక్షంగా తేమ, కార్బన్ డయాక్సైడ్ అధికంగా ఉండే పరిస్థితులను దాటినప్పుడు.. అవి వేగంగా
కరోనా వైరస్ గాలిలో వ్యాపించిన 20 నిమిషాలలోపు తన సామర్థ్యాన్ని 90% కోల్పోతోందని తాజా అధ్యయనంలో తేలింది. బ్రిస్టల్ విశ్వవిద్యాలయానికి చెందిన పరిశోధకులు పరిసర ఉష్ణోగ్రత, తేమ, UV కాంతి తీవ్రతను నియంత్రిస్తూ, చిన్న వైరస్-కలిగిన కణాలను ఉత్పత్తి చేసే ఉపకరణాన్ని అభివృద్ధి చేశారు. వాటిని ఐదు సెకన్ల నుండి 20 నిమిషాల మధ్య రెండు ఎలక్ట్రిక్ రింగుల మధ్య సున్నితంగా ఉంచారు.
వైరల్ కణాలు ఊపిరితిత్తుల యొక్క సాపేక్షంగా తేమ, కార్బన్ డయాక్సైడ్ అధికంగా ఉండే పరిస్థితులను దాటినప్పుడు.. అవి వేగంగా నీటిని కోల్పోవడమే కాకుండా.. ఎండిపోతాయని కనుగొన్నారు. అయితే కార్బన్ డయాక్సైడ్ తక్కువ స్థాయికి మారడం pHలో వేగవంతమైన పెరుగుదలతో ముడిపడి ఉంటుంది. క్షీణత రేటు పరిసర గాలి యొక్క సాపేక్ష ఆర్ద్రతపై ఆధారపడి ఉంటుంది. తేమ 50 శాతం కంటే తక్కువగా ఉన్నప్పుడు, వైరస్ ఐదు సెకన్లలో దాని ఇన్ఫెక్టివిటీలో సగభాగాన్ని కోల్పోయింది. తరువాతి ఐదు నిమిషాల్లో మరో 19 శాతం నష్టాన్ని కోల్పోయింది. వైరస్ ఐదు నిమిషాల తర్వాత 52 శాతం ఇన్ఫెక్టివిటీని కోల్పోయింది. 20 నిమిషాల తర్వాత 10 శాతానికి పడిపోయింది.
Also Read : మైనర్ బాలికపై వృద్ధుడి అత్యాచారం
పరిశోధనలు స్వల్ప-శ్రేణి కోవిడ్ వ్యాప్తి ప్రాముఖ్యతను నొక్కిచెప్పాయి. ది గార్డియన్ నివేదికల్లో భౌతిక దూరం, మాస్క్ ధరించడం వలన ఉపయోగాలను నొక్కి చెబుతున్నాయి. ప్రజలు గాలి సరిగా లేని ప్రదేశాలలో ఉంటే కరోనా వ్యాప్తి ఎక్కువగా ఉందని చెబుతున్నారు.