కరోనా నుంచి కోలుకున్నారా ? అయితే ఈ జాగ్రత్తలూ పాటించండి

వ్యాధి నుంచి కోలుకున్న తర్వాత.. బాధితులు ఎలాంటి జాగ్రత్తలు తీసుకోవాలన్న విషయంలో అనే సందేహాలు వ్యక్తమవుతున్నాయి. లక్షణాలు తక్కువగా ఉండి.. కోవిడ్ నుంచి త్వరగా కోలుకున్నవారు ఐదురోజుల పాటు సోషల్ డిస్టెన్స్ ను పాటించాలని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ పేర్కొంది. ఆ ఐదురోజులు తప్పనిసరిగా మాస్క్ ధరించాలని తెలిపింది. కరోనా లక్షణాల తీవ్రత ఎక్కువగా ఉన్నవారు లక్షణాలు కనిపించిన మొదటి రోజు నుండి పది రోజుల వరకు ఐసోలేషన్ లో ఉండాలి. 20 రోజులపాటు హోమ్ క్వారంటైన్ లో ఉండి.. తగిన విశ్రాంతి తీసుకుంటూ కరోనా నిబంధనలు పాటించాలి. అయితే వీరు కరోనా నుంచి కోలుకున్న తర్వాత ఎలా ఉండాలి అనే మార్గదర్శకాలను CDC జారీ చేయలేదు.