18 ఏళ్లకు ఓటు వేయొచ్చు..కానీ పెళ్లి చేసుకోకూడదా ?

భారతదేశంలో అమ్మాయిల పెళ్లి వయసును పెంచుతూ కేంద్ర కేబినెట్ ఆమోదం తెలిపిన విషయం తెలిసిందే. గతంలో ఆడపిల్లల వివాహ వయస్సు 18 ఏళ్లు ఉండేది.. ఇప్పుడు దానిని 18 నుంచి 21కి పెంచింది కేంద్రం. ఇందుకు సంబంధించిన బిల్లును కూడా ప్రభుత్వం సిద్ధం చేసి.. పార్లమెంట్ ఆమోదముద్ర వేయించేందుకు రెడీగా ఉంచింది. కానీ ఆడపిల్లల భవిష్యత్ గురించి ఆలోచించి కేంద్ర ప్రభుత్వం తీసుకున్న ఈ కీలక నిర్ణయాన్ని సమాజ్ వాదీ పార్టీ నేత సయ్యద్ తుఫైల్ హసన్ తీవ్రంగా వ్యతిరేకించారు. అమ్మాయిల వివాహ కనీస వయసును కేంద్రం పెంచడాన్ని ఆయన తప్పుబట్టారు. ఈ విషయంపై ఓ జాతీయ మీడియాతో మాట్లాడుతూ.. ఆడపిల్లలకు పునరుత్పత్తి వయసు రాగానే పెళ్లి చేయాలని అన్నారు. నిజానికి యువతుల పునరుత్పత్రి వయస్సు 16-17 నుంచి 30 సంవత్సరాల వరకూ ఉంటుంది. అందుకే 16 ఏళ్ల నుంచి ఇళ్లల్లో ఆడపిల్లల పెళ్లి ప్రస్తావన వస్తుంటుంది.