రికార్డ్ బ్రేక్ చేసిన గోల్డ్

బంగారం ధరలు అంతే. సీజన్‌తో సంబంధం లేకుండా పెరిగిపోతుంటాయి. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్‌లో ధరల ఒడిదుడుకులు, ద్రవ్యోల్బణం, డాలర్ తో రూాపాయి తగ్గుదల, రష్యా - ఉక్రెయిన్ యుద్ధం, కేంద్ర బడ్జెట్ లో కస్టమ్స్ డ్యూటీ పెంపు వంటి కారణాలతో బంగారం ధరలు పెరిగిపోతున్నాయని మార్కెట్ నిపుణులు చెబుతున్నారు. అమెరికాలోని బ్యాంకింగ్ సంక్షోభం కూడా బంగారం పెరుగుదలకు కారణంగా చెబుతున్నారు. ఈ తరుణంలో బంగారం కొనుగోళ్లు మధ్య, పేద తరగతి వర్గాలకు సాధ్యం కాదు. అవి వారికి అందనంత దూరంలో ధరలు పెరుగుతూనే ఉన్నాయి. బంగారం ధరల పెరుగుదలను చూసి ఆ ఆలోచనను కూడా మానుకున్న వారు అనేక మంది ఉన్నారంటే అతిశయోక్తి కాదు. పెట్టుబడిగా బంగారం కొనుగోలు చేసే వారు సయితం ధరలను చూసి వెనుకంజ వేస్తున్నారు.