ఉమెన్స్ డే గిఫ్ట్ : బంగారం దిగి వచ్చింది

బంగారం అంటేనే భారంగా మారుతుంది. ధరలు విపరీతంగా పెరుగుతున్నాయి. ముఖ్యంగా మహిళలు మక్కువపడే బంగారానికి మహిళ దినోత్సవం రోజు ధరలు తగ్గడం కొంత ఊరట కల్గించే అంశమే. బంగారం ధరలు తగ్గితే ఆనందపడే వారిలో మహిళలు ముందుంటారు. ఎందుకంటే బంగారం అంటే అంత పిచ్చి. డబ్బులు తమ వద్ద ఏ మాత్రం ఉన్నా వెంటనే బంగారాన్ని కొనుగోలు చేయడానికి ప్రాధాన్యత ఇస్తారు. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, రష్యా - ఉక్రెయిన్ యుద్ధం వంటి కారణాలతో ఇటీవల కాలంలో బంగారం ధరలు బాగా పెరిగిపోతున్నాయని మార్కెట్ నిపుణులు చెబుతున్నారు.