పసిడిప్రియులకు శుభవార్త

బంగారం అంటే అందరికీ మోజు. దానిని కొనుగోలు చేయాలని ప్రతి ఒక్క భారతీయ మహిళ కోరుకుంటుంది. తమకున్న దానిలో కొంత మొత్తాన్ని బంగారానికి వెచ్చించడానికి మహిళలు ఇష్టపడతారు. పసిడి అంటే ప్రాణం ఇచ్చే వారు అధికం కావడంతో దానికి డిమాండ్ పెరిగింది. కేంద్ర బ్యాంకుల వద్ద బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరలు పెరుగుతుంటాయని చెబుతుంటారు. ఇక రష్యా - ఉక్రెయిన్ యుద్ధం, కేంద్ర బడ్జెట్ లో కస్టమ్స్ డ్యూటీ పెంచడం, బంగారం దిగుమతులను తగ్గించడం కూడా ధరలు పెరగడానికి కారణాలుగా మార్కెట్ నిపుణులు చెబుతున్నారు. అయినా బంగారం కొనుగోళ్లు మాత్రం ఆగడం లేదు. పెళ్లిళ్ల సీజన్ కావడంతో ధరలు మరింత పెరుగుతాయన్న అంచనాలు వినపడుతున్నాయి.