త్వరలో గ్రామాల నుండి నగరాలకు "వందే మెట్రో" : మంత్రి అశ్వినీ వైష్ణవ్

వందేభారత్ ఎక్స్ ప్రెస్ కు మినీ వెర్షనే "వందే మెట్రో". ఉద్యోగులు, వ్యాపారులు,కార్మికులు, విద్యార్థులకు ఈ వందే మెట్రో రైళ్లు ఉపయోగపడతాయని మంత్రి పేర్కొన్నారు. వందే మెట్రో రైళ్లను అభివృద్ధి చేస్తున్నట్లు తెలిపారు. పెద్దనగరాల చుట్టుపక్కల 50 నుండి 60 కిలోమీటర్ల దూరంలో ఉన్నవారు వివిధ పనుల నిమిత్తం అతితక్కువ సమయంలో నగరాలకు వచ్చివెళ్లేందుకు వీలుగా.. వందే మెట్రోను తీసుకురాబోతున్నట్లు తెలిపారు. ప్రధాని మోదీ సంకల్పంతో.. ఈ ఏడాదే వందే మెట్రో రూపకల్పన, తయారీ 2023లోనే పూర్తవుతుందని తెలిపారు. వచ్చే ఆర్థిక సంవత్సరం నుంచి వీటిని అందుబాటులోకి తీసుకురావడానికి ప్రయత్నిస్తున్నామని తెలిపారు. కాగా.. ఈ ఏడాది డిసెంబర్ నాటికల్లా.. భారత్ లో తయారైన తొలి హైడ్రోజన్ రైలు అందుబాటులోకి వస్తుందని మంత్రి అశ్వినీ వైష్ణవ్ స్పష్టం చేశారు.