విద్యార్థిని ఫిర్యాదుతో టాయిలెట్లు శుభ్రం చేసిన మంత్రి..ఇంతకీ ఎక్కడ ?

గ్వాలియర్ లో ఉన్న ఒక పాఠశాలలో టాయిలెట్లు అపరిశుభ్రంగా ఉన్నాయంటూ ఓ విద్యార్థిని విద్యుత్ శాఖమంత్రి ప్రధుమాన్ సింగ్ తోమకు ఫిర్యాదు చేసింది. వెంటనే మంత్రి తోమర్ ఆ పాఠశాలకు చీపురు, బ్రష్ పట్టుకుని వెళ్లి టాయిలెట్ గదులను శుభ్రం చేశారు. అలాగే ఆ పరిసర ప్రాంతాల్లో ఉన్న చెత్తను తీసేశారు. ఇకపై పాఠశాలలో టాయిలెట్లను శుభ్రంగా ఉంచాలని అక్కడున్న సిబ్బందిని ఆదేశించారు. విద్యార్థిని ఫిర్యాదుతోనే తాను పాఠశాలకు వెళ్లి టాయిలెట్లు శుభ్రం చేసినట్లు స్వయంగా మంత్రి తోమర్ మీడియాకు వివరించారు. గతంలో ఆయన ఇలాంటి పనులు చాలానే చేశారు. గ్వాలియర్ నియోజకవర్గంలోనే ఓ ప్రభుత్వ కార్యాలయంలో టాయిలెట్లు క్లీన్ గా ఉంచడం లేదని ఫిర్యాదు రావడంతో స్వయంగా వాటిని కడిగి క్లీన్ చేశారాయన. ఇటీవలే ఈ నియోజకవర్గంలో బిర్లానగర్ లో 16వ వార్డులో ఉన్న కాల్వలను క్లీన్ చేశారు. ఆ తర్వాత ఓ విద్యుత్ స్తంభం ఎక్కి.. దానిపైనున్న చెత్తను శుభ్రం చేశారు.