బప్పీ లహరిని బలితీసుకున్న ఓఎస్ఏ వ్యాధి.. ఇంతకీ ఏంటది ?

ప్రముఖ సినీ సంగీత దర్శకుడు, గాయకుడు బప్పీ లహరి గతరాత్రి మృతి చెందిన సంగతి తెలిసిందే. ఆయన మృతి పట్ల పలువురు సినీ, రాయకీయ, పారిశ్రామిక వేత్తలు సంతాపం ప్రకటించారు. కాగా.. బప్పీ లహరి అబ్ స్ట్రక్టివ్ స్లీప్ అప్నియా (ఓఎస్ఏ)తో మరణించినట్లు వైద్యులు తెలిపారు. అసలు ఈ వ్యాధి ఏంటో చాలా మందికి అవగాహన లేదు. స్లీప్ అప్నియాలోనే ఇదొక రకం. ఓఎస్ఏ గా పిలవబడే ఈ వ్యాధి ఉన్నవారు నిద్రిస్తున్న సమయంలో అప్పర్ ఎయిర్ వేస్ (శ్వాస తీసుకునే ఎగువ భాగంలో) బ్లాక్ అవుతాయి. దీంతో గాలి తీసుకునే మార్గాన్ని మరింత వ్యాకోచింపచేసి, గాలిని ఊపిరితిత్తుల్లోకి పంపించేందుకు వీలుగా ఛాతీ కండరాలు బలంగా పనిచేస్తాయి. దీంతో పెద్ద జెర్కింగ్ చప్పుడుతో లేచి గాలి తీసుకుంటారు.