భారత్ లో యాక్టివ్ కేసులు ఎన్నంటే?

భారత్ లో ఇప్పటి వరకూ 4.45 కోట్ల మంది కరోనా వైరస్ బారిన పడ్డారు. వీరిలో 4.44 కోట్ల మంది రికవరీ అయినట్లు కేంద్ర వైద్య ఆరోగ్య శాఖ అధికారులు వెల్లడించారు. రికవరీ రేటు 98.73 శాతంగా నమోదయింది. ఇప్పటి వరకూ భారత్ లో 5,28,673 మంది కరోనా కారణంగా మరణించారు. ప్రస్తుతం భారత్ లో 37,444 యాక్టివ్ కేసులున్నాయని అధికారులు వెల్లడించారు. యాక్టివ్ కేసుల శాతం 0.08 శాతానికి పడిపోయింది. ఇప్పటి వరకూ దేశ వ్యాప్తంగా 218.75 కోట్ల కరోనా వ్యాక్సిన్ డోసులను పంపిణీ చేసినట్లు అధికారులు తెలిపారు.