ఉపాధ్యాయురాలిని షూతో బాదిన ప్రిన్సిపాల్

ఈ ఘటన ఉత్తరప్రదేశ్ రాష్ట్రంలో చోటు చేసుకుంది. ఉత్తరప్రదేశ్‌లోని లఖింపూర్‌లోని ఓ ప్రభుత్వ పాఠశాలలో ఆలస్యంగా వచ్చినందుకు ఓ మహిళా టీచర్‌ని ప్రిన్సిపాల్‌ బూట్లతో కొట్టారు. లఖింపూర్‌లోని మహంగు ఖేరా పాఠశాలలో ఈ ఘటన చోటుచేసుకుంది. ఈ ఘటనకు సంబంధించిన వీడియో క్లిప్ సోషల్ మీడియాలో వైరల్‌గా మారింది. ఈ ఘటనపై లఖింపూర్ ప్రాథమిక శిక్షా అధికారి (BSA) లక్ష్మీకాంత్ పాండే మాట్లాడుతూ.. వైరల్ వీడియో ఆధారంగా, ఆ ప్రధానోపాధ్యాయుడిని సస్పెండ్ చేశామని అన్నారు.