బంగారం ధరలు పెరగలేదు.. ఎందుకంటే?

బంగారం ధరలు పెరగడమే కాని తగ్గడం అరుదుగా జరుగుతుంటాయి. దానికున్న డిమాండ్ అలాంటిది. అంతర్జాతీయంగా బంగారానికి ఉన్న డిమాండ్ ను అనుసరించి ధరల్లో ఎప్పటికప్పుడు మార్పులు చోటు చేసుకుంటుంటాయి. కేంద్ర బ్యాంకుల వద్వ బంగారం నిల్వలు, అంతర్జాతీయ మార్కెట్ లో ధరల ఒడిదుడుకులు, డాలర్ తో రూపాయి తగ్గుదల, ద్రవ్యోల్బణం, కేంద్రప్రభుత్వం బడ్జెట్ లో కస్టమ్స్ డ్యూటీ పెంచడం, రష్యా - ఉక్రెయిన్‌ల మధ్య యుద్ధం వంటి కారణాలతో బంగారం ధరలు పెరుగుతూనే ఉంటాయని మార్కెట్ నిపుణులు చెబుతున్నారు. ఈ నేపథ్యంలో సీజన్‌తో సంబంధం లేకుండా జరిగే బంగారం కొనుగోళ్లు దాదాపుగా మందగించాయి. అవసరమైన వారు తప్పించి పెట్టుబడి కోసం చూసే వారు కూడా బంగారం ధరలను చూసి కొంత వెనకడుగు వేసే పరిస్థితి నెలకొంది.