ఒవైసీ కాన్వాయ్ పై కాల్పులు
ఎంఐఎం అధినేత అసుద్దీన్ ఒవైసీ కాన్వాయ్ పై గుర్తుతెలియని వ్యక్తులు కాల్పులు జరిపారు
ఎంఐఎం అధినేత అసుద్దీన్ ఒవైసీ కాన్వాయ్ పై గుర్తుతెలియని వ్యక్తులు కాల్పులు జరిపారు. ఉత్తర్ ప్రదేశ్ లో ఎన్నికల ప్రచారం నిర్వహిస్తుండగా ఈ ఘటన చోటు చేసుకుంది. గత కొద్ది రోజులుగా ఉత్తర్ ప్రదేశ్ లో ఎంఐఎం అభ్యర్థులకు మద్దతుగా ప్రచారాన్ని నిర్వహిస్తున్నారు. ప్రచారం ముగించుకుని తిరిగి వస్తుండగా ఈ కాల్పులు జరిగినట్లు తెలిసింది. మీరట్ లో రోడ్ షోలో పాల్గొని తిరిగి వస్తుండగా టోల్ గేట్ సమీపంలో ఈ కాల్పులు జరిగినట్లు ఒవైసీ తెలిపారు.
సురక్షితంగానే ఉన్నా....
ముగ్గురు వ్యక్తులు తన కాన్వాయ్ పై కాల్పులు జరిపినట్లు అసుద్దీన్ ఒవైసీ ట్వీట్ చేశారు. మూడు నుంచి నాలుగు రౌండ్లు కాల్పులు జరిపారు. ఈ కాల్పుల్లో అసదుద్దీన్ ఒవైసీ కార్లు టైర్లు పేలాయి. మరో కారులో ఆయన ఢిల్లీకి బయలుదేరి వెళ్లారు. తాను క్షేమంగానే ఉన్నానని అసదుద్దీన్ ఒవైసీ ట్వీట్ చేశారు. ప్రస్తుతం అసుదుద్దీన్ ఒవైసీ క్షేమంగా ఢిల్లీకి చేరుకున్నారు.