బంగ్లాదేశ్ లో హిందువులపై హింస.. భారత జోక్యం చేసుకునేనా!!
భారతదేశానికి స్వాతంత్ర్యం వచ్చినప్పటి నుండి, బంగ్లాదేశ్‌లోని సామాజిక-రాజకీయ వాతావరణంలో
భారతదేశానికి స్వాతంత్ర్యం వచ్చినప్పటి నుండి, బంగ్లాదేశ్‌లోని సామాజిక-రాజకీయ వాతావరణంలో మార్పులు వస్తూనే ఉన్నాయి. బంగ్లాదేశ్ లో ఏదైనా అలజడి మొదలైతే.. భారత్ లోని పశ్చిమ బెంగాల్ లో కూడా ఆ ప్రభావం కనిపిస్తూనే ఉంటుంది. దేశ విభజన, ఆ తర్వాత చోటు చేసుకున్న గందరగోళ సంఘటనల కారణంగా బంగ్లాదేశ్ నుండి లక్షలాది మంది భారత్ లోకి వచ్చేశారు. వారు పశ్చిమ బెంగాల్, త్రిపుర, అస్సాం, మేఘాలయ వంటి రాష్ట్రాలలో ఆశ్రయం పొందారు. చాలా మంది తమ జీవితాలను పునర్నిర్మించుకోవాలనే ఆశతో వచ్చారు కానీ శరణార్థి అనే ముద్ర వారిని వెంటాడుతూ ఉంది. దశాబ్దాల తర్వాత, బంగ్లాదేశ్ లో మళ్లీ అశాంతిని ఎదుర్కొంటోంది. అక్కడి మైనారిటీ వర్గాలు అభద్రతాభావంతో పోరాడుతూ ఉన్నాయి. బెంగాలీ హిందువులు మాత్రమే కాకుండా హిందూ సంఘాలు కూడా పొరుగు దేశంలోని మైనారిటీ హక్కుల పరిరక్షణ కోసం ఆందోళనలను వ్యక్తం చేస్తున్నాయి.
గత జ్ఞాపకాలు:
గతంలో ఎన్నో దారుణాలను చూసిన పలువురు బెంగాలీ హిందువులతో మీడియా మాట్లాడింది. వారు చెప్పినవి వింటే బంగ్లాదేశ్‌లో మైనారిటీలు ఇంత భయంకరమైన జీవితాలు గడిపారా అని అనిపించక మానదు.
ప్రస్తుత పరిస్థితి గురించి కూడా సుశీల్ తీవ్రమైన బాధను వ్యక్తం చేశారు. "బంగ్లాదేశ్‌లో ఇటీవలి సంఘటనలు చూస్తుంటే గుండె తరుక్కుపోతోంది. గర్భిణీ స్త్రీని కడుపులో తన్నిన దృశ్యాలు చూశాను. ఇలాంటి క్రూరత్వాన్ని అసలు ఊహించలేము. ఒక భారతీయుడిగా, నేను వారిని రక్షించాలని డిమాండ్ చేస్తున్నాను. హిందువుల పట్ల అనుచితంగా ప్రవర్తిస్తే తప్పకుండా భారత్ చర్యలు తీసుకోవాలి." అని తెలిపారు.
1971 నాటి భయంకరమైన జ్ఞాపకాలు ఇంకా ఆయనలో సజీవంగా ఉన్నాయి. "నా వయసు కేవలం 10 లేదా 12 ఏళ్లు. రజాకార్లు మమ్మల్ని హింసించారు. మగవాళ్లను నదుల్లోకి విసిరారు.. మా తల్లులను అతి దారుణంగా చూశారు. చాలా మంది మహిళలపై పాకిస్తాన్ సైన్యం అత్యాచారం చేసింది. ఇన్నేళ్ల తర్వాత కూడా ఆ మచ్చలు అలాగే ఉన్నాయి." అని అన్నారు.
సరిహద్దు ప్రాంతాలకు చెందిన పలువురు వ్యక్తులు ఇదే భావాలను వ్యక్తం చేశారు. చాలామంది తమ పూర్వీకుల ఇళ్లను, అక్కడి జ్ఞాపకాలను విడిచిపెట్టి, మతపరమైన హింస కారణంగా పారిపోయామన్నారు. భారతదేశం అందించే భద్రత తమకు ఉపశమనం కలిగిస్తోందని.. దేశమంటే తమకు కృతజ్ఞతా భావం ఉందన్నారు. బంగ్లాదేశ్‌లోని హిందువులు వీలైతే భారతదేశంలో ఆశ్రయం సంపాదించాలని వారు హితవు పలుకుతూ ఉన్నారు.
బంగ్లాదేశ్ నుండి వలస వచ్చిన హరధన్ బిస్వాస్ మాట్లాడుతూ.. బంగ్లాదేశ్ లో హిందూ సమాజం నిరంతరం భయం గుప్పిట్లో ఉందని.. చాలా మంది తమ మాతృభూమిని విడిచిపెట్టి భారతదేశంలో ఆశ్రయం పొందవలసి వస్తుందన్నారు. "హిందువులు చారిత్రాత్మకంగా బంగ్లాదేశ్‌లో ఎన్నో సవాళ్లను ఎదుర్కొన్నారు, స్వాతంత్ర్యం పొందిన సమయం నుండి పాకిస్థాన్ నుండి విముక్తి కోసం జరిగిన యుద్ధం వరకూ హిందువులు చాలా కష్టాలే పడ్డారు." అని తెలిపారు.
1956లో భారతదేశానికి వచ్చిన పరేష్ దాస్ తనకు ఎదురైన ఒక బాధాకరమైన అనుభవాన్ని పంచుకున్నారు. "నా కళ్ల ముందే మా తాతయ్యను నరికి చంపారు. భయంతో మా భూమిని వదిలేశాం. నా కళ్లముందే మా కజిన్‌పై దాడి చేశారు. ప్రస్తుతం భారతదేశంలో శాంతియుతంగా జీవిస్తున్నప్పటికీ బంగ్లాదేశ్ లో ఉన్న మా బంధువులు బెదిరింపులకు గురవుతున్నారు. నెల రోజుల క్రితం భూ తగాదాల కారణంగా మామయ్య హత్యకు గురయ్యాడు. " అని తెలిపారు.
భారత ప్రభుత్వం జోక్యం: