ఉప్పల్ లో మ్యాచ్.. వెళుతున్న వారు తెలుసుకోవాల్సిన విషయాలివే..!

ఆదివారం నాడు హైదరాబాద్ లోని ఉప్పల్ లో మ్యాచ్ జరగబోతోంది. మూడు మ్యాచ్ ల టీ20 సిరీస్ ఇప్పటికే 1-1 తో సమమైంది. నిర్ణయాత్మక మూడో టీ20 హైదరాబాద్ లో జరుగుతూ ఉండడం.. వర్షానికి కూడా ఆస్కారం లేదని చెబుతూ ఉండడంతో అభిమానులు మ్యాచ్ పై భారీ ఆశలు పెట్టుకున్నారు. టికెట్స్ విషయంలో చోటు చేసుకున్న రచ్చ గురించి దేశమంతా మాట్లాడుకుంటూ ఉన్నారు. ఇక రేపు బ్లాక్ లో కూడా భారీగా టికెట్లు అమ్ముతారని.. అక్కడే ఎంత ఖర్చు అయినా కొనుక్కుందామని వెళ్లే వాళ్లు కూడా ఉన్నారు. అయితే బ్లాక్ లో టికెట్స్ అమ్మే వారిపై కఠిన చర్యలు తీసుకుంటామని హైదరాబాద్ క్రికెట్ అసోసియేషన్ చెబుతోంది. రెండు జట్లు ఈ రోజు సాయంత్రం 5:45 గంటలకు ప్రత్యేక విమానంలో శంషాబాద్ ఎయిర్ పోర్టుకు చేరుకోనున్నాయి. శంషాబాద్ ఎయిర్ పోర్టుకు చేరుకున్న రెండు టీం అటగాళ్ళను భారీ పోలీసు బందోబస్తూ మద్య నగరంలోని స్టార్ హోటల్ కు తరలించనున్నారు.