IPL 2025 : సన్ రైజర్స్ ను చావు దెబ్బతీసిన కోల్ కత్తా నైట్ రైడర్స్

తొలుత బ్యాటింగ్ చేసిన కోల్ కత్తా నైట్ రైడర్స్ ఓపెనర్లను సన్ రైజర్స్ సులువుగానే పంపగలిగింది. డికాక్ ఒక పరుగుకు అవుట్ కాగా, నరేన్ ఏడు పరుగులకే వెనుదిరిగాడు. తర్వాత రహానె నిలకడగా ఆడుతూ 38 పరుగులు చేశాడు. అదరిపోయే సిక్సర్లు, ఫోర్లు మలచి స్కోరు బోర్డును పరుగులు పెట్టించారు. ఒక దశలో రన్ రేట్ ఆరు కూడా లేనిది రహానే వచ్చిన తర్వాత పది వరకూ చేరుకుంది. ఇక రఘవువంశీ హాఫ్ సెంచరీ చేసి సత్తా చాటగలిగాడు. వెంకటేశ్ అయ్యర్ అరవై పరుగులు చేయడంతో పాటుగా అతనికి తోడు రింకూ సింగ్ 32 పరుగులు తోడవ్వడంతో కోల్ కత్తా నైట్ రైడర్స్ మొత్తం ఇరవై ఓవర్లలో ఆరు వికెట్లు కోల్పోయి 200 పరుగులు చేసి మంచి లక్ష్యాన్ని సన్ రైజర్స్ హైదరాబాద్ ముందు ఉంచగలిగింది.

అనంతరం బ్యాటింగ్ కు దిగిన సన్ రైజర్స్ ను త్వరత్వరగా అవుట్ చేయడంలో కోల్ కత్తా నైట్ రైడర్స్ బౌలర్స్ సక్సెస్ అయ్యారు. ట్రావిస్ హెడ్ నాలుగు పరుగులకే అవుట్ కాగా, అభిషేక్ శర్మరెండు పరుగులకే వెనుదిరిగడు. ఇషాన్ కిషాన్ రెండు పరుగులు చేసి నిరాశపర్చి అవుటయి వెనుదిరిగాడు. నితీశ్ కుమార్ రెడ్డి పందొమ్మిది పరుగులు మాత్రమే చేయగలిగాడు. మెండిస్ 27 పరుగులు, క్లాసెన్ 33 పరుగులు చేసి పరవాలేదని అనిపిచంినా అప్పటికే ఓవర్లు తక్కువ లక్ష్యం అధికంగా మారింది. వారు కూడా అవుట్ కావడంతో ఇక బౌలర్లపై భారం పడింది. కానీ వారు ఏమీ చేయలేక చేతులెత్తేశారు. చివరకు 16.4 ఓవర్లలోనే ఆల్ అవుట్ అయి 120 పరుగుల చేసింది. కోల్ కత్తా నైట్ రైడర్స్ బౌలర్లలో వైభవ్ అరోరా మూడు, హర్షిత్ రాణా ఒకటి, వరుణ్ చక్రవర్తి మూడు , రసెల్ రెడు వికెట్లు తీసి సన్ రైజర్స్ ను కట్టడి చేయగలిగారు.