తొమ్మిదేళ్ల పాపకు సీఎం కేసీఆర్ నామకరణం

ఆడపిల్లకు పేరు పెట్టకుండా తొమ్మిదేళ్లు ఉన్న విషయం తెలుసుకున్న మాజీ స్పీకర్ మధుసూధనాచారి ఈ విషయాన్ని ముఖ్యమంత్రి కేసీఆర్ దృష్టికి తీసుకెళ్లారు. దీంతో కేసీఆర్ సురేష్, అనిత దంపతులను ఆహ్వానించారు. ఈరోజు ప్రగతి భవన్ కు వచ్చిన ఆ అమ్మాయికి కేసీఆర్ దంపతులు మహతిగా నామకరణం చేశారు. తమ ఇంటికి వచ్చిన దంపతులకు బట్టలు పెట్టి సంప్రదాయ పద్ధతిలో ఆతిధ్యమిచ్చారు. ఆ బిడ్డను దీవించారు. బిడ్డ చదువుకోసం ఆర్థిక సాయాన్ని కూడా అందించారు. తొమ్మిదేళ్ల తమ కల ఫలించిందని ఆ దంపతులు ఆనందంలో మునిగిపోయారు. ముఖ్యమంత్రి కేసీఆర్ దంపతులకు కృతజ్ఞతలు తెలిపారు.