వరంగల్ కోర్టుకు బండి సంజయ్
బీజేపీ రాష్ట్ర అధ్కక్షుడు బండి సంజయ్‌ను పోలీసులు వరంగల్‌కు తీసుకెళుతున్నారు. కోర్టులో కాసేపట్లో ఆయనను హాజరు పర్చనున్నారు
బీజేపీ రాష్ట్ర అధ్కక్షుడు బండి సంజయ్‌ను పోలీసులు వరంగల్‌కు తీసుకెళుతున్నారు. వరంగల్ కోర్టులో కాసేపట్లో ఆయనను హాజరు పర్చనున్నారు. నిన్న హిందీ ప్రశ్నాపత్రం లీకేజీ కేసులో బండి సంజయ్‌ను అర్థరాత్రి అరెస్ట్ చేసి బొమ్మల రామారం పోలీస్ స్టేషన్‌కు తరలించిన సంగతి తెలిసిందే. ఆయనపై కుట్ర కేసు కూడా నమోదయింది. భారీ కాన్వాయ్ మధ్య పోలీసులు బండి సంజయ్‌ను వరంగల్‌కు తరలిస్తున్నారు. మార్గమధ్యంలో బీజేపీ నేతలు ఆయన ప్రయాణిస్తున్న వాహనాన్ని అడ్డుకుంటున్నారు. కోర్టుకు సెలవు కారణంగా మెజిస్ట్రేట్ ఇంటివద్ద బండి సంజయ్‌ను హాజరుపర్చనున్నారు.
ఎక్కడికక్కడ అడ్డుకుంటూ...
ప్రశ్నాపత్రం లీకేజీ వెనక బండి సంజయ్ ప్రమేయం ఉందని పోలీసులు అనుమానిస్తున్నారు. ఈమేరకు ఆయనపై ఎఫ్‌ఐఆర్ నమోదు చేశారు. బండి సంజయ్ ను వరంగల్ తీసుకెళుతుండగా ఆలేరు నియోజకవర్గంలోని పెంబర్తి వద్ద ఉద్రికత్త చోటు చేసుకుంది. బండి సంజయ్ ప్రయాణిస్తున్న వాహనాన్ని బీజేపీ కార్యకర్తలు అడ్డుకున్నారు. ఎక్కడికక్కడ పోలీసు వాహనాలను బీజేపీ కార్యకర్తలు అడ్డుకుంటుండటంతో ఆయన వరంగల్ చేరుకోవడం ఆలస్యమయ్యే అవకాశముంది. పలు చోట్ల బీజేపీ శ్రేణులపై పోలీసులు లాఠీఛార్జి చేశారు.