KTR : నేడు ఈడీ ఎదుటకు కేటీఆర్

ఫార్ములా ఈ కారు రేసు కేసులో బీఆర్ఎస్ వర్కింగ్ ప్రెసిడెంట్ కేటీఆర్ నేడు ఎన్ ఫోర్స్ మెంట్ డైరెక్టరేట్ అధికారుల ఎదుట హాజరు కానున్నారు. ఫార్ములా ఈ కారు రేసు అక్రమాలపై ఇప్పటికే ఏసీబీ కేటీఆర్ ను విచారించిన నేపథ్యంలో నేడు ఈడీ అధికారులు విచారించనున్నారు. ఈరోజు ఉదయం నందినగర్ లోని తన నివాసం నుంచి బయలుదేరి ఆయన ఈడీ కార్యాలయానికి చేరుకుంటారు. ఏసీబీ నమోదు చేసిన ఎఫ్ఐఆర్ ఆధారంగానే ఈడీ కూడా ఈ కేసులో కేటీఆర్ ను విచారణ చేయనుంది. ఎటువంటి నిబంధనలు పాటించకుండా యాభై నాలుగు కోట్ల రూపాయల నిధులను విదేశీసంస్థలకు మళ్లించడంపై ఈడీ ఆరా తీయనుంది.