కొల్లూరులో డబుల్ బెడ్రూమ్ ఇళ్లు ప్రారంభం.. వసతులు ఇవే

సంగారెడ్డి జిల్లా రామచంద్రాపురం మండలం కొల్లూరులో 144 ఎకరాల విస్తీర్ణంలో నిర్మించిన ఆసియాలోనే అతిపెద్దదైన కేసీఆర్ నగర్ 2 బీహెచ్ కే డిగ్నిటీ హౌసింగ్ కాలనీని సీఎం కేసీఆర్ ప్రారంభించారు. తెలంగాణ ఐటీశాఖ మంత్రి కేటీఆర్, విద్యాశాఖ మంత్రి సబితా ఇంద్రారెడ్డి, హరీష్ రావు, మల్లారెడ్డి, వేముల ప్రశాంత్, తలసాని శ్రీనివాస్ యాదవ్ లతో పాటు జీహెచ్ఎంసీ మేయర్ పాల్గొన్నారు. 144 ఎకరాల విస్తీర్ణంలో..రూ.1489.29 కోట్ల వ్యయంతో.. 60 వేల మందికి ఆవాలం ఉండేలా 15,660 ఇళ్లను తెలంగాణ ప్రభుత్వం ప్రతిష్టాత్మకంగా నిర్మించింది. కార్పొరేట్ అపార్ట్ మెంట్లకు ఏమాత్రం తీసిపోకుండా ఇళ్ల నిర్మాణం చేపట్టింది.