Telangana : తెలంగాణలో విద్యా కమిషన్ ఏర్పాటు
తెలంగాణలో నాణ్యమైన విద్యను అందించేందుకు కాంగ్రెస్ ప్రభుత్వం నిర్ణయం తీసుకుంది. ఇందుకోసం విద్యా కమిషన్ ను ఏర్పాటు చేసింది
తెలంగాణలో నాణ్యమైన విద్యను అందించేందుకు కాంగ్రెస్ ప్రభుత్వం నిర్ణయం తీసుకుంది. ఇందుకోసం విద్యా కమిషన్ ను ఏర్పాటు చేసింది. ఈ మేరకు ఉత్తర్వులు జారీ చేసింది. ఈ కమిషన్ లో ఛైర్మన్ తో పాటు ముగ్గురు సభ్యులు ఉండనున్నారు. ప్రీ ప్రైమరీ నుంచి ఉన్నత విద్య వరకూ సమగ్ర విధానాన్ని రూపొందించడానికి ఈ కమిషన్ ను ప్రభుత్వం ఏర్పాటు చేసింది. ఈ సభ్యుల పదవీ కాలం రెండేళ్ల పాటు ఉండనుంది.
నూతన విద్యావిధానాన్ని...
ప్రధానంగా ప్రాధమిక పాఠశాలల్లో మార్పులు, అంగన్‌వాడీ కేంద్రాల్లో తీసుకోవాల్సిన చర్యలతో పాటు నాణ్యమైన విద్యాబోధన, విద్యార్థులకు చిన్ననాటి నుంచి నైపుణ్యంలో శిక్షణ ఇచ్చేందుకు వీలుగా విద్యావ్యవస్థను తీర్చి దిద్దేందుకు ఈ విద్యా కమిషన్ పలు సూచనలు చేయనుంది. మేధావులు, రిటైర్డ్ అధ్యాపకులతో ఈ కమిషన్ చర్చించి సమగ్రమైన నివేదికను ప్రభుత్వానికి అందించాల్సి ఉంటుంది. ప్రధానంగా ఉపాధి కల్పనకు ఉపయోగపడాలన్న ఉద్దేశ్యంతో ఈ విద్యాకమిషన్ ను తెలంగాణ ముఖ్యమంత్రి రేవంత్ రెడ్డి ఏర్పాటు చేశారు.