ఎన్నికలొచ్చినా కాంగ్రెస్ నాయకులు ఇంతేనా?

ఈ సందర్భంగా ఆయన మాట్లాడుతూ.. కేటీఆర్, కవితలు రాహుల్ గాంధీపై చేసిన వ్యాఖ్యలు సరికాదని మీది ఆ స్థాయి కాదన్నారు ఉత్తమ్. ఇప్పుడు జరిగే 5 రాష్ట్రాల ఎన్నికల్లో కాంగ్రెస్ పార్టీ అధికారంలోకి రాబోతుందని జోస్యం చెప్పారు. రాహుల్ గాంధీ ప్రధాని కావడానికి ఈ ఐదు రాష్ట్రాల ఎన్నికల ఫలితాలే మొదటి మెట్టు అని అన్నారు. రాజకీయంగా నష్టపోతున్నా అని తెలిసినా ప్రత్యేక తెలంగాణ రాష్ట్రం ఏర్పాటు చేసిన ఘనత గాంధీ కుటుంబానిదని అన్నారు. కాంగ్రెస్ ప్రభుత్వం గెలిస్తే మంచి పదవిలో కొనసాగుతానని చెప్పారు. కాంగ్రెస్ పార్టీ ప్రకటించిన ఆరు గ్యారెంటీ పథకాలను అధికారంలోకి వచ్చిన వెంటనే అమలు చేస్తామని తెలిపారు. బీఆర్ఎస్ పార్టీ నాయకులలో ఎమ్మెల్యేలపై తీవ్ర వ్యతిరేకత, అసంతృప్తి ఉందని అందుకే చాలామంది ఆ పార్టీని వీడి కాంగ్రెస్ పార్టీలో చేరారని అన్నారు. కొందరు పార్టీ మారే పరిస్థితి లేదని కానీ ఆ పార్టీలోనే ఉండి కాంగ్రెస్ పార్టీకి సపోర్ట్ చేస్తామని చెబుతున్నారని తెలిపారు.