పోలీసుల అదుపులో ఎమ్మెల్యే మల్లారెడ్డి
పేట్ బషీరాబాద్ పోలీస్ స్టేషన్ పరిధిలో ఉద్రిక్తత తలెత్దింది మాజీ మంత్రి మల్లారెడ్డిని పోలీసులు అదుపులోకి తీసుకున్నారు
పేట్ బషీరాబాద్ పోలీస్ స్టేషన్ పరిధిలో ఉద్రిక్తత చోటు చేసుకుంది.కోర్టు వివాదంలో ఉన్న ఓ స్థలాన్ని మాజీ మంత్రి మల్లారెడ్డి మరియు అల్లుడు రాజశేఖర్ రెడ్డి కి సంబంధించిన స్థలాన్ని కొందరు ఆక్రమించుకుంటున్నారని ఆరోపిస్తున్నారు. ఆ స్థలంలో వేసిన రేకుల షెడ్లను మల్లారెడ్డి తన అనుచరులతో వచ్చి తొలగించే ప్రయత్నం చేశారు.
భూ వివాదంలో...
మల్లారెడ్డితో పాటు అతని అల్లుడు ఎమ్మెల్యే రాజశేఖర్ రెడ్డి కూడా వచ్చారు. అయితే ఈ సందర్భంగా పోలీసులకు, మల్లారెడ్డికి మధ్య వాదులాట జరిగింది. దీంతో పోలీసుల విధులకు ఆటంకం కల్గిస్తున్నారంటూ మల్లారెడ్డిపై పోలీసులు కేసు నమోదు చేశారు. ఆయనను పోలీస్ స్టేషన్ కు తరలించారు. అక్కడ పరిస్థితి ఉద్రిక్తంగా మారింది.