BRSకు కోకాపేటలో 11 ఎకరాలు : హై కోర్టులో పిల్

భారత రాష్ట్ర సమితి (BRS) పార్టీకి కోకాపేటలో 11 ఎకరాల కేటాయింపుపై ఫోరం ఫర్ గుడ్ గవర్నెన్స్ హైకోర్టులో పిల్ దాఖలు చేసింది. ఎకరం రూ.50 కోట్లు విలువ చేసే భూమిని.. బీఆర్ఎస్ కు పార్టీ కార్యాలయం కోసం రూ.3.41 కోట్లకే కేటాయించారని పిల్ లో ఫోరం ఫర్ గుడ్ గవర్నెన్స్ ఆరోపించింది. కేవలం 5 రోజుల్లోనే కేటాయింపు ప్రక్రియ పూర్తి చేశారని ఎఫ్ జీజీ పిల్ లో పేర్కొంది. భూ కేటాయింపులు జరిగి సుమారు రెండు నెలలు పూర్తవుతున్నా.. ఇప్పటి వరకూ వాటికి సంబంధించిన డాక్యుమెంట్లను రహస్యంగా ఉంచారన్న ఆరోపణలున్నాయి. ఇప్పటికే బీఆర్ఎస్ పార్టీకి బంజారాహిల్స్ లో కార్యాలయం ఉండగా.. కోకాపేటలో పార్టీ కార్యాలయానికి రూ.550 కోట్ల విలువ చేసే భూమిని రూ.170.5 కోట్లకే రాష్ట్ర ప్రభుత్వం కట్టబెట్టిందని ప్రధానంగా వినిపిస్తున్న ఆరోపణ. ఈ నేపథ్యంలో కోకాపేటలో బీఆర్ఎస్ కు భూమిని కేటాయిస్తూ ఇచ్చిన జీఓను రద్దు చేయాలని కోరుతూ ఎఫ్ జీజీ హైకోర్టులో పిల్ దాఖలు చేసింది. వెంటనే అక్కడి నిర్మాణ పనులు జరగకుండా స్టే ఇవ్వాలని కోరింది.