ఆసక్తికరంగా ఆ పార్టీ మేనిఫెస్టో

తెలంగాణ ఎన్నికల సమరం మొదలైంది. బీఆర్ఎస్, కాంగ్రెస్, బీజేపీ లాంటి ప్రధాన పార్టీలే కాకుండా బహుజన్ సమాజ్ పార్టీ (బీఎస్పీ), వైఎస్ఆర్టీపీ, జనసేన, ప్రజాశాంతి పార్టీలు తమ అదృష్టాన్ని పరీక్షించుకోనున్నాయి. ఇప్పటికే పలు పార్టీలు తమ తమ మేనిఫెస్టోలను విడుదల చేయగా.. బహుజన్ సమాజ్ పార్టీ కూడా మేనిఫెస్టోను విడుదల చేసింది. బీఎస్పీ రాష్ట్ర అధ్యక్షుడు ఆర్ఎస్ ప్రవీణ్ కుమార్.. 'బహుజన భరోసా' పేరుతో పార్టీ మేనిఫెస్టోను విడుదల చేశారు. తెలంగాణలోని మహిళా కార్మికులు, రైతులకు ఉచితంగా స్మార్ట్‌ఫోన్లు, వాషింగ్ మెషీన్లు ఇస్తామని బహుజన్ సమాజ్ పార్టీ (బీఎస్పీ) హామీ ఇచ్చింది. గ్రామీణ ప్రాంతాల్లోని కార్మికులకు ప్రతి సంవత్సరం 150 రోజుల పాటు కనీస రోజువారీ వేతనం రూ. 350తో ఉపాధి హామీ కల్పిస్తామని.. వారికి ఉచిత రవాణా, ఆరోగ్య బీమా కూడా అందించనున్నట్టుగా చెప్పారు. ధరణి పోర్టల్‌ను రద్దు చేస్తామని.. బీఎస్పీ అధికారంలోకి వస్తే ప్రతి మండలంలో ఒక అంతర్జాతీయ పాఠశాలను నెలకొల్పుతామని అన్నారు.