సోషల్ స్టార్టప్ ఎక్స్‌పోను ప్రారంభించిన పరిశ్రమల శాఖ మంత్రి శ్రీధర్ బాబు

రాష్ట్రంలో సోషల్‌ ఎంటర్‌ప్రెన్యూర్‌షిప్‌ మరింత అభివృద్ధి చెందాలని శ్రీధర్ బాబు సూచించారు. వీటిని ప్రోత్సహించడానికి టీహబ్‌, వీహబ్‌లను ఏర్పాటు చేసినట్లు తెలిపారు. పదిమందికి ఉపయోగపడే వినూత్న ఆలోచనతో వస్తే రాష్ట్రప్రభుత్వమే అన్ని విధాలుగా అండగా ఉంటుందన్నారు. బాలవికాస సెంటర్ ఫర్ సోషల్ అండ్ రెస్పాన్సిబుల్ బిజినెస్ (CSRB) ప్రాంగణంలో దేశ వ్యాప్తంగా సుమారు 700 మంది సామాజిక వ్యాపార వేత్తలు, ఇంపాక్ట్ ఇన్వెస్టర్లు మరియు పలు వ్యాపార రంగ నిపుణులు పాల్గొన్నారు. ఈ కార్యక్రమంలో 70కి పైగా సామాజిక వ్యవస్థాపకులు తమ సామాజిక వ్యాపార ఉత్పత్తులను సోషల్ స్టార్టప్ ఎక్స్‌ పో లో ఆవిష్కరించారు. సోషల్ ఎంటర్‌ప్రెన్యూర్‌షిప్ సమ్మిట్ – ఇంపల్స్ 2024, బాల వికాస సెంటర్ ఫర్ సోషల్ అండ్ రెస్పాన్సిబుల్ బిజినెస్ (CSRB) వార్షిక ఫ్లాగ్‌షిప్ ఈవెంట్ తెలంగాణ స్టేట్ ఇన్నోవేషన్ సెల్ (TSIC) భాగస్వామ్యంతో నిర్వహించారు. కీసరలోని బాల వికాస్ క్యాంపస్‌లో 500 మందికి పైగా సోషల్ ఎంటర్‌ప్రెన్యూర్‌షిప్ ప్రాక్టీషనర్లు, ఔత్సాహికులు సోషల్ ఎంటర్‌ప్రెన్యూర్‌షిప్ స్ఫూర్తిని జరుపుకోవడానికి, సెక్టార్‌ను బలోపేతం చేయడానికి ప్రయత్నిస్తూ ఉన్నారు.