మూడు రోజులపాటు సీఎం జన్మదిన వేడుకలు : మంత్రి కేటీఆర్

ఈ నెల 17వ తేదీన తెలంగాణ సీఎం కేసీఆర్ 68వ పుట్టినరోజును జరుపుకోనున్నారు. ఏటా కేసీఆర్ పుట్టినరోజున సేవా కార్యక్రమాలు నిర్వహిస్తారు టీఆర్ఎస్ నేతలు. కానీ ఈ ఏడాది సీఎం కేసీఆర్ పుట్టినరోజు సంబరాలను మూడ్రోజులు జరపాలని మంత్రి, టీఆర్ఎస్ పార్టీ వర్కింగ్ ప్రెసిడెంట్ కేటీఆర్ పిలుపునిచ్చారు. తెలంగాణ రాష్ట్రాన్ని సాధించిన మన సీఎం జన్మదిన వేడుకలను ఘనంగా నిర్వహించుకుందాం అని ఆయన తెలిపారు. సంబరాల్లో భాగంగా ఫిబ్రవరి 15,16,17 తేదీల్లో రాష్ట్ర వ్యాప్తంగా సేవా కార్యక్రమాలు నిర్వహించాలని పార్టీ శ్రేణులకు పిలుపునిచ్చారు.