పదినెలల్లోనే భవిష్యత్ ను మీరే నిర్ణయించుకోండి : రేవంత్
తెలంగాణ ముఖ్యమంత్రి కేసీఆర్ విద్యావ్యవస్థను నాశనం చేశారని పీసీసీ చీఫ్ రేవంత్ రెడ్డి ఆరోపించారు.
తెలంగాణ ముఖ్యమంత్రి కేసీఆర్ విద్యావ్యవస్థను నాశనం చేశారని పీసీసీ చీఫ్ రేవంత్ రెడ్డి ఆరోపించారు. భూపాలపల్లిలో ఆయన విద్యార్థులతో ముఖాముఖి మాట్లాడారు. బీఆర్ఎస్ నేతలకు విద్యాసంస్థలకు అప్పజెప్పి అధిక ఫీజులను వసూలు చేస్తూ పేదలకు విద్యను దూరం చేశారని ఆయన మండి పడ్డారు. ఫీజు రీఎంబర్స్‌మెంట్ పథకాన్ని కూడా సక్రమంగా అమలు చేయడం లేదని ఆయన ఆరోపించారు. విద్య కోసం పెట్టే ప్రతి రూపాయి భవిష్యత్ పెట్టుబడి లాంటిదని రేవంత్ రెడ్డి అభిప్రాయపడ్డారు. పది శాతం పైగా నిధులను బడ్జెట్ లో విద్య కోసం కేటాయించాలని రేవంత్ రెడ్డి అన్నారు. అనేక పాఠశాలలు మూతపడ్డాయని అన్నారు. పార్టీ వారికి లబ్ది చేకూర్చడానికే ప్రభుత్వ పాఠశాలలను మూసివేస్తూ నిర్ణయం తీసుకున్నారన్నారు. బడుగు, బలహీన వర్గాలకు విద్యను దూరం చేశారన్నారు. పది నెలల్లో మీ భవిష్యత్ మీరు నిర్ణయించుకోవాలని విద్యార్థులకు రేవంత్ పిలుపునిచ్చారు.