మాజీ కలెక్టర్ పై నేడు హైకోర్టులో విచారణ

రీసెర్చ్ స్కాలర్స్ సుబేందర్ సింగ్, జె.శంకర్ లు హైకోర్టులో ఈ ప్రజాప్రయోజన వ్యాజ్యం దాఖలు చేశారు. వెంకట్రామిరెడ్డి రాజీనామాను ఆమోదించే అధికారం రాష్ట్ర ప్రభుత్వానికి లేదని వారు పిటీషన్ లో పేర్కొన్నారు. ఐఏఎస్ లు కేంద్ర ప్రభుత్వం పరిధిలో ఉంటారని, ఆయన రాజీనామాను రాష్ట్ర ప్రభుత్వం ఎలా ఆమోదిస్తుందని వారు ప్రశ్నించారు. ఈ పిటీషన్ లో శాసనమండలి కార్యదర్శి, కేంద్ర, రాష్ట్ర ప్రభుత్వాలను ప్రతివాదులుగా పేర్కొన్నారు.