ఢిల్లీలో సీఎం కేసీఆర్.. యాగం నేటి నుంచి

తెలంగాణ ముఖ్యమంత్రి కేసీఆర్ ఢిల్లీకి నిన్న చేరుకున్నారు. ఈరోజు బీఆర్ఎస్ పార్టీ కార్యాలయంలో జరిగే యాగంలో పాల్గొననున్నారు. రెండు రోజుల పాటు పార్టీ కార్యాలయంలో రాజశ్యామల యాగాన్ని నిర్వహించనున్నారు. పార్టీ కార్యాలయంలో ప్రత్యేకంగా యాగశాలను ఇప్పటికే నిర్మించారు. మూడు హోమగుండాలను ఏర్పాటు చేశారు. ఈరోజు ఉదయం 9 గంటలకు గణపతి పూజతో యాగం మొదలవుతుందని పార్టీ వర్గాలు వెల్లడించాయి. పన్నెండు మంది రుత్వికులు ఇప్పటికే ఢిల్లీకి చేరుకున్నారు.