నేడు యాదాద్రికి కేసీఆర్
తెలంగాణ ముఖ్యమంత్రి కేసీఆర్ నేడు యాదాద్రిలో పర్యటించనున్నారు. క్షేత్ర స్థాయిలో పనుల పురోగతిని ఆయన పరిశీలంచనున్నారు
తెలంగాణ ముఖ్యమంత్రి కేసీఆర్ నేడు యాదాద్రిలో పర్యటించనున్నారు. క్షేత్ర స్థాయిలో పనుల పురోగతిని ఆయన పరిశీలంచనున్నారు. ఈరోజు ఉదయం 11 గంటలకు కేసీఆర్ యాదాద్రి వెళ్లనున్నారు. ప్రస్తుతం యాదాద్రి బ్రహ్మోత్సవాలు జరుగుతున్నాయి. ఈరోజు జరిగే కల్యాణోత్సవంలో కేసీఆర్ పాల్గొంటారు. కేసీఆర్ రాష్ట్ర ప్రభుత్వం తరుపున స్వామి వారికి పట్టువస్త్రాలు, ముత్యాల తలంబ్రాలను సమర్పిస్తారు.
సమీక్ష చేసి.....
అనంతరం ఆలయమంతా తిరిగి పనుల పురోగతిని పరిశీలిస్తారు. ఈ నెల 21వ తేదీ నుంచి యాదాద్రి ఉద్ఘాటన కార్యక్రమాలు ప్రారంభం కాబోతున్నాయి. ఈ సందర్భంగా మహా కుంభ సంప్రోక్షణ, మహా సుదర్శనయాగం నిర్వహించనున్నారు. వీటికి సంబంధించిన ఏర్పాట్లపై కూడా కేసీఆర్ పరిశీలిస్తారు. ముఖ్యమంత్రి కేసీఆర్ యాదాద్రి పర్యటన సందర్భంగా అధికారులు అన్ని ఏర్పాట్లు చేశారు.