ఢిల్లీ నుండి రాగానే షర్మిల చెప్పిన మాట ఇదే

వైఎస్ షర్మిల ఢిల్లీకి వెళ్లిన సంగతి తెలిసిందే..! ముఖ్యంగా ఆమె కాంగ్రెస్ పార్టీలో చేరే అవకాశాలు ఉన్నాయంటూ ప్రచారం జరుగుతున్న సమయంలో ఆమె ఢిల్లీకి వెళ్లడం ప్రాధాన్యత సంతరించుకుంది. షర్మిల తన ఢిల్లీ పర్యటనను ముగించుకొని హైదరాబాద్‌కు చేరుకున్నారు. ఈ సందర్భంగా కాంగ్రెస్‌లో చేరికపై మీడియా ప్రశ్నించగా ఆమె స్పందించలేదు. ఆమెను భువనగిరి ఎంపీ, కాంగ్రెస్ నేత కోమటిరెడ్డి వెంకటరెడ్డి పార్టీలోకి ఆహ్వానించిన విషయంపై మీడియా ప్రశ్నించగా.. అందుకు షర్మిల 'చూద్దాం..' అంటూ చెప్పి ముందుకు కదిలారు. పార్టీ విలీనం గురించి మీడియా ప్రతినిధులు అడుగుతూ ఉంటే నవ్వుతూ వెళ్లిపోయారు. త్వరలోనే అన్ని విషయాలు చెబుతానంటూ వెళ్లిపోయారు.