నేటి నుంచి అన్నీ తెరుచుకోనున్నాయ్

నేటి నుంచి దేశ వ్యాప్తంగా అన్ని దుకాణాలు తెరుచుకోనున్నాయి. నిన్నటి వరకూ మినహాయింపులు ఇవ్వని హోటళ్లు, రెస్టారెంట్లు, బార్లు కూడా తెరుచుకోనున్నాయి. లాక్ డౌన్ 5 అమలులో ఉన్నప్పటికీ కేంద్ర ప్రభుత్వం పూర్తి స్థాయి మినహాయింపులు ఇచ్చింది. దీంతో నేటి నుంచి రెస్టారెంట్లు కూడా అందుబాటులోకి రానున్నాయి. దీంతో పాటు దేవాలయాలు, మసీదులు, చర్చిలు కూడా నేటి నుంచి తెరుచుకోనున్నాయి. తిరుమల శ్రీవారి ఆలయంలో నేడు టీటీడీ ఉద్యోగులకు మాత్రమే దర్శనం కల్పించనున్నారు. ఈ నెల 11 వ తేదీ నుంచి అందరు భక్తులకు అవకాశం కల్పిస్తారు. రోజుకు ఐదు వేల మందికి మాత్రమే తిరుమల లో శ్రీవారి దర్శనం ఉంటుంది. ఇక రెండు తెలుగు రాష్ట్రాల్లో అన్ని ఆలయాలు నేటి నుంచి తెరుచుకున్నాయి.