కారు బీభత్సం… ప్రేమ జంట మృతి

చౌటుప్పల్ లో కారు బీభత్సం సృష్టించింది. ఈ ప్రమాదంలో ప్రేమజంట అక్కడికక్కడే మృతి చెందింది.. రంగారెడ్డి జిల్లా మన్నెగూడెం చెందిన ప్రేమజంట వివాహం చేసుకునేందుకు కొండగట్టు వెళ్తున్నారు.. ఈ సమయంలో చౌటుప్పల్ ప్రాంతానికి రాగానే ఈ ప్రమాదం సంభవించింది. హైదరాబాద్ నుంచి విజయవాడ వెళ్తున్న కారు ఒక్కసారిగా అదుపుతప్పింది.. దీంతో రోడ్డు మీద వెళ్తున్న టూవీలర్ వాహనాన్ని ఢీకొట్టింది .. ఈ ప్రమాదంలో స్కూటీ పైన ఉన్న ప్రేమ జంట కు తీవ్ర గాయాలయ్యాయి.. యువతి అక్కడికక్కడే చనిపోగా, యువకుడు చికిత్స నిమిత్తం హైదరాబాద్ తరలిస్తుండగా మార్గమధ్యంలో చనిపోయారు.. వీళ్లిద్దరూ ప్రేమ వివాహం చేసుకునేందుకు కొండగట్టు కి వెళ్తున్నారు/ వీరితో పాటు వెనకాలే బాబాయ్ చిన్న అమ్మా ఉన్నారు.. వెనకాల ఉన్న వీరి వాహనాన్ని కూడా కారు ఢీకొనడంతో గాయాలయ్యాయి. వాళ్ళందరినీ కూడా స్థానిక ఆస్పత్రిలో చికిత్స చేయిస్తున్నారు.. అయితే ఈ సంఘటనపై పోలీసులు కేసు నమోదు చేసి విచారణ చేస్తున్నారు.. కారు డ్రైవర్ ని పోలీసులు అదుపులోకి తీసుకున్నారు. కారు ఢీకొనడంతో ఒక్కసారిగా పెట్రోలు లీక్ కావడంతో స్కూటీ అక్కడికక్కడే తగలబడిపోయింది.