బ్రేకింగ్ : మరో టీఆర్ఎస్ ఎమ్మెల్యేపై కేసు నమోదు

పఠాను చెరువు టీఆర్ఎస్ ఎమ్మెల్యే పైన ఎస్సీ ఎస్టీ కేసు నమోదైంది.. స్థానిక విలేఖరి పై అసభ్యకర రీతిలో వ్యాఖ్యలు చేయడంతో పాటు బెదిరింపులకు పాల్పడిన నేపథ్యంలో కేసు నమోదు చేసినట్లు పోలీసులు తెలిపారు. ఈ మేరకు పఠాను చెరువు స్థానిక విలేకరి సంతోష్ నాయక్ ఇచ్చిన ఫిర్యాదు పై కేసు నమోదు చేసినట్లు పోలీసులు చెప్పారు. టీఆర్ఎస్ ఎమ్మెల్యే మహిపాల్ రెడ్డి పై కేసు నమోదు చేసి విచారణ చేస్తున్నట్లు వెల్లడించారు.. పఠాను చెరువు ఎమ్మెల్యే మహిపాల్ రెడ్డి, స్థానిక విలేకరి సంతోష్ నాయక్ ని బెదిరిస్తూ అసభ్యకర రీతిలో మాట్లాడుతున్న ఆడియో ఒకటి నిన్న వైరల్ అయింది. గత కొన్ని రోజుల క్రితం పఠాను చెరువు లో జరిగిన అక్రమాలు కబ్జాలపై స్థానిక విలేకరి వరుస కథనాలు రాసాడు. దీనిపై ఆగ్రహం చెందిన పఠాను చెరువు ఎమ్మెల్యే ,విలేకరి ని ఫోన్లో దూషిస్తూ బెదిరింపులకు పాల్పడ్డాడు. ఆడియో కాస్త బయటికి రావడంతో వైరల్ అయింది అయితే దీనిపై విలేకరి సంతోష్ నాయక్ ఇచ్చిన ఫిర్యాదు మేరకు పోలీసులు కేసు నమోదు చేశారు.