జగన్ గురించి లక్ష్మీనారాయణ మాట్లాడాలి

వైఎస్ జగన్ గురించి జనసేన నేత లక్ష్మీనారాయణ మాట్లాడాలని ముఖ్యమంత్రి చంద్రబాబు నాయుడు కోరారు. గురువారం విజయనగరం జిల్లా సాలూరులో ఎన్నికల ప్రచార సభలో చంద్రబాబబు మాట్లాడుతూ… జగన్ పైన 14 కేసులు ఉన్నాయని, ఈ కేసుల గురించి విచారించిన అధికారి లక్ష్మీనారాయణ ప్రజలకు చెప్పాలన్నారు. పవన్ కళ్యాణ్ కూడా మాట్లాడాలన్నారు. రాష్ట్రంపైన జగన్, కేసీఆర్, నరేంద్ర మోదీ కుట్రలు పన్నుతున్నారని ఆరోపించారు. తనను ఓడించేందుకు కేసీఆర్ వెయ్యి కోట్లు జగన్ కు ఇచ్చారన్నారు. వివేకానంద రెడ్డిని జగనే హత్య చేసి డ్రామాలు చేస్తున్నారని సంచలన వ్యాఖ్యలు చేశారు. ఆంధ్రప్రజలకు కసి, రోషం ఉండాలని, 60 సంవత్సరాల మన కష్టాన్ని దోచుకున్న కేసీఆర్ మరోసారి పెత్తనం చేయాలని వస్తున్నారని అన్నారు. జగన్ ను ఓడించి వారికి బుద్ధిచెప్పాలన్నారు. తెలంగాణ ప్రజల్లానే ఆంధ్రప్రదేశ్ ప్రజలు కూడా ఏకం కావాలని, తెలుగుదేశం పార్టీని గెలిపించాలని కోరారు. తనకు పదవులు ముఖ్యం కాదని, ప్రజల భవిష్యత్తే ముఖ్యమన్నారు. ప్రజల కోసమే తాను పనిచేస్తున్నానన్నారు.