బాబు కాంట్రవర్సీ కామెంట్స్…!!

కర్నూలు జిల్లాలో జరిగిన ప్రచార సభలో ముఖ్యమంత్రి చంద్రబాబు నాయుడు వివాదాస్పద వ్యాఖ్యలు చేశారు. అభ్యర్థులను పరిచయం చేసే క్రమంలో పాణ్యం నుంచి పోటీ చేస్తున్న గౌరు చరితను చంద్రబాబు పరిచయం చేస్తూ… ప్రతిపక్షంలో ఉన్నా చరిత ఎప్పుడూ గౌరవప్రదంగా ప్రవర్తించారని అన్నారు. తన కార్యక్రమాలకు సగం మంది ఎమ్మెల్యేలు రాలేదన్నారు. తాను ఏ కార్యక్రమంలో పాల్గొన్నా గౌరు చరిత వచ్చి సమస్యలపై వినతిపత్రాలు ఇచ్చేవారని అన్నారు. అయితే, ఆమె ప్రతిపక్ష పార్టీలో ఉన్నందున ఆమె అడిగిన పనులు చేయలేదని, చేయనని కూడా చెప్పానని స్పష్టం చేశారు. ఆమె ఇప్పుడు టీడీపీ నుంచి పోటీ చేయడం సంతోషకరమన్నారు. గౌరు చరిత గత అసెంబ్లీలో వైసీపీ తరపున గెలిచి ఇటీవల టీడీపీలో చేరిన విషయం తెలిసిందే.