Chandrababu : నేడు ఢిల్లీకి చంద్రబాబు.. అపాయింట్ మెంట్లు ?

తెలుగుదేశం పార్టీ అధినేత చంద్రబాబు నేడు ఢిల్లీకి వెళ్లనున్నారు. ఈరోజు రాష్ట్ర పతి రామ్ నాధ్ కోవింద్ ను చంద్రబాబు కలవనున్నారు. రాష్ట్రంలో శాంతిభద్రతలు పూర్తిగా దెబ్బతిన్నాయని, తమ పార్టీ కార్యాలయాలపై దాడులు జరుగుతున్నాయని చంద్రబాబు రాష్ట్రపతికి ఫిర్యాదు చేయనున్నారు. దీనికి సంబంధించి ఫొటోలు, వీడియోలను కూడా రాష్ట్రపతికి చంద్రబాబు అందజేయనున్నారు. ఏక కాలంలో కావాలని ప్రభుత్వమే దాడులు చేయించిందని చంద్రబాబు చెప్పనున్నారు.

మోదీ, షాల….

రాష్ట్రపతిని చంద్రబాబు ఈరోజు మధ్యాహ్నం 12.15 గంటలకు కలుసుకుంటారు. చంద్రబాబు వెంట పార్టీ నేతలు యనమల రామకృష్ణుడు, అచ్చెన్నాయుడు, కాల్వ శ్రీనివాసులు, కేశినేని నాని తదితరులు ఉంటారు. ప్రధాని మోదీ, హోంమంత్రి అమిత్ షా అపాయింట్ మెంట్లు ఇంకా ఖరారు కాలేదు.