పెళ్లి నిశ్చితార్థం లో కరోనా.. చనిపోయిన తండ్రి

నిశ్చితార్థంతో కరోనా తెచ్చుకున్నారు. మే 11న ధూల్ పేట్ లో నిశ్చితార్థం జరిగింది. పెళ్లికొడుకు కుటుంబ సభ్యులకు కరోనా సోకింది. కరోనాతో పెళ్లికొడుకు తండ్రి మృతి చెందాడు. హైదరాబాదులో కరోనా కలకలం కొనసాగుతూనే ఉంది. నిన్న ఓ అపార్ట్ మెంట్ లో పాతికమందికి కరోనా సోకిందన్న విషయం తీవ్ర చర్చనీయాంశంగా ఉండగానే, తాజాగా ఓ కుటుంబంలో 15 మందికి కరోనా నిర్ధారణ కావడం అధికార వర్గాల్లో ఆందోళన కలిగిస్తోంది. ఇటీవలే ఓ పెళ్లి నిశ్చితార్థం జరిపిన పెళ్లికొడుకు కుటుంబంలో 15 మంది కరోనా బారినపడ్డట్టు గుర్తించారు. ఈ నిశ్చితార్థ కోసం దాదాపుగా 300 మంది బంధుమిత్రులు హాజరైనట్లు సమాచారం. ఈ కుటుంబానికి చెందిన ఓ వ్యక్తి (58) కరోనాతో మరణించడంతో ఈ కేసులన్నీ వెలుగులోకి వచ్చినట్టు తెలుస్తోంది.