Visakha : వైసీపీ ఎంపీలు కనపడటం లేదంటూ?

విశాఖ స్టీల్ ప్లాంట్ ఉద్యోగులు గత 260 రోజులుగా ఆందోళన చేస్తున్నారు. విశాఖ స్టీల్ ప్లాంట్ ను కేంద్ర ప్రభుత్వం ప్రయివేటీకరించడం అన్యాయమంటున్నారు. అన్ని పార్టీల మద్దతు కోరుతున్నారు. వైసీపీ కూడా సంఘీభావం తెలిపింది. అయితే ఈరోజు జనసేన అధినేత పవన్ కల్యాణ‌్ సభ స్టీల్ ప్లాంట్ వద్ద ఉండటంతో కార్మిక సంఘాలు విన్నూత్నంగా తమ నిరసనను తెలియజేశాయి.

కనపడుట లేదు….

వైసీపీ ఎంపీల ఫొటోలతో ఉన్న ఫ్లెక్సీని కనపడుట లేదు అని ముద్రించారు. వైసీపీకి చెందిన ఎంపీలు కనపడుట లేదు అంటూ బ్యానర్లు కట్టడం చర్చనీయాంశమైంది. పవన్ కల్యాణ్ వస్తుండటం కారణంగానే ఈ ఫ్లెక్సీలను కొందరు కావాలిని పెట్టారని కూడా అంటున్నారు. మొత్తం మీద ఈ ఫ్లెక్సీలు పవన్ సభకు ముందు కొంత చర్చకు దారితీసింది.