Etala : నేడు ఎమ్మెల్యేగా ప్రమాణస్వీకారం

హుజూరాబాద్ ఉప ఎన్నికల్లో గెలిచిన ఈటల రాజేందర్ నేడు ఎమ్మెల్యేగా ప్రమాణస్వీకారం చేయనున్నారు. ఆయన ఉదయం 11 గంటలకు స్పీకర్ పోచారం శ్రీనివాసరెడ్డి కార్యాలయంలో ప్రమాణస్వీకారం చేయనున్నారు. ఈటల రాజేందర్ ను ముఖ్యమంత్రి కేసీఆర్ మంత్రిపదవి నుంచి తప్పించిన వెంటనే ఎమ్మెల్యే పదవికి రాజీనామా చేసిన సంగతి తెలిసిందే.

మూడుకు పెరిగిన…

తర్వాత జరిగిన ఉప ఎన్నికల్లో టీఆర్ఎస్, బీజేపీల మధ్య హోరాహోరీ పోరు జరిగింది. ఈ పోరులో ఈటల రాజేందర్ ఇరవై వేలకు పైగా ఓట్ల మెజారిటీతో గెలుపొందారు. ఎమ్మెల్యేగా నేడు ఈటల రాజేందర్ ప్రమాణస్వీకారం చేసిన తర్వాత మీడియాతో మాట్లాడనున్నారు. ఈటల గెలుపుతో అసెంబ్లీలో బీజేపీ ఎమ్మెల్యేల సంఖ్య మూడుకు చేరింది.