Breaking: టీడీపీలోకి వైసీపీ కీలక నేత

ఇప్పుడు గన్నవరం తెలుగుదేశం పార్టీ టిక్కెట్ ఎవరికి ఇస్తారన్న ఆసక్తి నెలకొంది. గన్నవరం టీడీపీ ఇన్‌ఛార్జిగా ఉన్న బచ్చుల అర్జునుడు ఇటీవల గుండెపోటుతో మరణించారు. ఈనేపథ్యంలో గన్నవరం నుంచి పోటీ చేయడానికి మరోసారి దాసరి సోదరులు సిద్ధమవుతున్నారని తెలిసింది. 1999, 2009లో దాసరి బాలవర్థన్ రావు గన్నవరం నియోజకవర్గం నుంచి తెలుగుదేశం పార్టీ తరుపున పోటీ చేసి విజయం సాధించారు.

ఆ తర్వాత గన్నవరం సీటును టీడీపీ అధినాయకత్వం వల్లభనేని వంశీకి ఇవ్వడంతో వారు రాజకీయంగా దూరమయ్యారు. తిరిగి టీడీపీలో చేరేందుకు సిద్ధమవుతున్నారని తెలిసింది. ఈనేపథ్యంలో ఎన్టీఆర్, బసవతారకం కాంస్య విగ్రహావిష్కరణకు చంద్రబాబుకు వారు ఆహ్వానం పలికారు. చంద్రబాబు సతీమణి భువనేశ్వరిని కూడా ఈ కార్యక్రమానికి పిలిచారు. ఎన్టీఆర్ కుటుంబ సభ్యులందరూ ఈ కార్యక్రమానికి హాజరవుతారని దాసరి జై రమేష్ ప్రకటించారు. దీంతో వారు తిరిగి టీడీపీలో చేరి వచ్చే ఎన్నికల్లో గన్నవరం నుంచి పోటీ చేసే అవకాశాలు మెండుగా ఉన్నాయి.