కామ్రేడ్ జార్జిరెడ్డి 50వ వర్థంతి : శాస్త్రీయ విద్యావిధానాన్ని సాధించడమే లక్ష్యం

ఆహారం, దుస్తులు, వైద్యం లాంటి కనీస అవసరాలు అందరికీ సంపూర్ణంగా అందాలన్నదే జార్జిరెడ్డి ఆకాంక్ష. ఆ ఆకాంక్ష నుంచి పుట్టుకొచ్చిందే ఆయన విప్లవం. ఉస్మానియా విశ్వ విద్యాలయంలో అవినీతి, ర్యాగింగ్, గూండాల దాడులకు వ్యతిరేకంగా జార్జిరెడ్డి గళం విప్పి పోరాడారు. మతోన్మాద చీకటి కోణాలను చీల్చి చెండాడుతూ.. చెగువేరా ప్రేరణతో గ్రామాలకు, బస్తీలకు తరలి వెళ్లాడు. ప్రజల్లో చైతన్యాన్ని తీసుకొచ్చేందుకు జార్జిరెడ్డి పలు సభలు, సమావేశాలు నిర్వహించారు. ఉస్మానియా విద్యార్థి సంఘంతో మొదలైన జార్జిరెడ్డి విప్లవం.. పీడీఎస్ గా నిర్మితమైంది. జార్జిరెడ్డి మరణానంతరం అది పీడీఎస్ యూ గా మారింది. భూస్వామ్య- సామ్రాజ్యవాద వ్యతిరేక పోరాటాలకు జార్డిరెడ్డి పునాదులు వేశాడు. అందరూ ఒక్కటేనని.. కుల, మతాలకు ఆస్కారం లేదని చెప్పే ప్రయత్నం చేశారు.