భక్తకన్నప్ప నుంచి హీరోయిన్ అవుట్

మంచు విష్ణు ప్రతిష్టాత్మకంగా నిర్మిస్తున్న భక్తకన్నప్ప ప్రాజెక్టు నుంచి హీరోయిన్ నుపుర్ సనన్  వైదొలిగింది. ఈ విషయాన్ని మంచు విష్ణు 'ఎక్స్' వేదికగా ప్రకటించారు. భక్త కన్నప్ప రీమేక్ మంచు విష్ణు సంవత్సరాల కల.  పాన్ ఇండియా గా  ప్రకటించిన ఈ సినిమాని ఆగస్టులోమంచు కుటుంబం కోలాహలంగా ప్రారంభించిన విషయం తెలిసిందే. ఈ సినిమాలో కథానాయికగా నుపుర్ సనన్ ను అనుకున్నారు. కాల్ షీట్ల సమస్య కారణంగా ఆమె ఈ ప్రాజెక్టు నుంచి తప్పుకున్నారని మంచు విష్ణు వెల్లడించారు. నువుర్..  ఆదిపురుష్  ఫేమ్ కృతి సనన్ కు స్వయానా చెల్లెలు. ఆమె సినిమా నుంచి తప్పుకోవడంతో ఇప్పుడు మరో హీరోయిన్ వేటలో పడ్డారు విష్ణు. భక్త కన్నప్ప సినిమాలో శివుడిగా ప్రభాస్ నటిస్తున్న సంగతి తెలిసిందే.

ప్రభాస్ పెద్దనాన్న కృష్ణం రాజు నిర్మించిన నాటి భక్త కన్నప్ప భారీ విజయాన్ని అందుకోవడంతో పాటు, క్లాసిక్ చిత్రాల్లో ఒకటిగా నిలిచింది. ప్రభాస్ రాకతో నయా కన్నప్ప క్రేజీ ప్రాజెక్టుగా మారిపోయింది. ఇటీవల వరుస పరాజయాలతో సతమతమౌతున్న మోహన్ బాబు కుటుంబాన్ని 'భక్త కన్నప్ప' ఆదుకుంటాడని  ఆయన అభిమానులు ఆశిస్తున్నారు.