లోకేష్ జోకర్ కు ఎక్కువ.. బఫూన్ కు తక్కువ

తెలుగుదేశం పార్టీ నేత నారా లోకేష్ పై పాణ్యం వైసీపీ ఎమ్మెల్యే కాటసాని రాంభూపాల్ రెడ్డి మండిపడ్డారు. లోకేష్ తన పరిధికి మించి మాట్లాడుతున్నారన్నారు. లోకేష్ జోకర్ కు ఎక్కువ, బఫూన్ కు తక్కువ అని కాటసాని రాంభూపాల్ రెడ్డి ఎద్దేవా చేశారు. నక్క కడుపున నక్క మాత్రమే పుడుతుందన్నారు. హత్యకు గురైన ఇద్దరు తనకు 2009 లో సన్నిహితులుగా ఉండేవారన్నారు. 2019 ఎన్నికల ముందు వరకూ వారు గౌరు చరిత అనుచరులుగా ఉన్నారన్నారు. తనకు హత్యా రాజకీయాలు చేయాల్సిన అవసరం లేదని కాటసాని రాంభూపాల్ రెడ్డి అన్నారు. ఈ హత్యలతో తనకు ఎలాంటి సంబంధం లేదన్నారు. మృతుల బంధువులు చెబుతున్నట్లు హత్యలో ప్రమేయం ఉందంటున్న శ్రీకాంత్ రెడ్డి కూడా గౌరు చరిత అనుచరుడని కాటసాని రాంభూపాల్ రెడ్డి అన్నారు.