సింగర్ ను వేధిస్తున్న నిందితుడి అరెస్ట్

ప్రముఖ ప్రముఖ సింగర్ కు సోషల్ మీడియాలో వేధింపులు ఎక్కువయ్యాయి.. సింగర్ పేరు మీద అకౌంట్ తెరిచి ఏకంగా యూట్యూబ్ ని ఓపెన్ చేసిన నిందితుని రాచకొండ సైబర్ క్రైమ్ పోలీసులు అరెస్ట్ చేశారు. సింగర్ నడుపుతున్న యూట్యూబ్ ఛానల్ లో సెక్సు వల్ కంటెంట్ ను పోస్ట్ చేసి వేధింపులకు గురి చేసిన నవీన్ బెంగళూరులో అరెస్ట్ చేశారు. హైదరాబాద్ కు చెందిన ప్రముఖ సింగర్ కు సోషల్ మీడియాలో ఖాతాలు ఉన్నాయి . ఫేస్ బుక్, ఇంస్టాగ్రామ్ తో పాటు యూట్యూబ్ లో ప్రత్యేకమైన ఛానల్ ఉంది . ఈ సోషల్ మీడియా ద్వారా తన కు సంబంధించిన సమాచారాన్ని ఎప్పటికప్పుడు సింగర్ పోస్ట్ చేస్తుంటారు. అయితే ఇటీవల కాలంలో నవీన్ కుమార్ అనే వ్యక్తి సింగరు సంబంధించిన సోషల్ మీడియా అకౌంట్ లో అభ్యంతరకరమైన పోస్ట్ లు చేయడం మొదలుపెట్టాడు. అంతేకాకుండా ఆ సింగర్ ఫోటోలను అప్ లోడ్ చేస్తూ మార్ఫింగ్ వీడియోలు పెట్టడం మొదలుపెట్టాడు. దీంతోపాటుగా తాను చేస్తున్న బిజినెస్ కి ఎన్ఓసీ ఇవ్వాలంటూ సదరు సింగర్ ను వేధించడం మొదలు పెట్టాడు. సోషల్ మీడియాలో పోస్ట్ చేసిన వాటిని డిలీట్ చేయకపోతే తీవ్ర పరిణామాలు ఉంటాయని నవీన్ కుమార్ ను సింగరు హెచ్చరించారు. నవీన్ కుమార్ ప్రవర్తనలో మార్పు రాలేదు. దీంతో నవీన్ కుమార్ వేధింపులు భరించలేక రాచకొండ సైబర్ క్రైమ్ పోలీసులు సింగర్ ఆశ్రయించారు. ఈ మేరకు బెంగళూరు చెందిన నవీన్ కుమార్ రాచకొండ సైబర్ పోలీసులు అరెస్టు చేసి రిమాండ్కు తరలించారు.