మాయావతి కి షాక్ మామూలుగా లేదుగా?

కాన్షీరామ్ వారసురాలిగా పార్టీ పగ్గాలు చేపట్టిన మాయావతి పార్టీని అధికారంలోకి తీసుకు రాగలిగారు. గత పార్లమెంటు ఎన్నికల్లో మాయావతి సమాజ్ వాదీ పార్టీతో పొత్తు పెట్టుకుని పెద్ద తప్పు చేశారు. తప్పును సరిదిద్దుకుని ఈ ఎన్నికల్లో ఒంటరిగా పోటీ చేసినా తన పార్టీకి సంప్రదాయంగా వస్తున్న ఓటు బ్యాంకును మాత్రం మాయావతి రాబట్టుకోలేకపోయారు.

ఈ ఎన్నికల్లో తొలి నుంచి మాయావతి అంత యాక్టివ్ గా కన్పించలేదు. 403 స్థానాల్లో ఒంటరిగా పోటీ చేసిన మాయావతి ప్రచారాన్ని కూడా సరిగా నిర్వహించలేదన్న విమర్శలున్నాయి. యూపీ బేస్ గా ఏర్పడిన ఈ పార్టీ అక్కడే నామరూపాలు లేకుండా పోయే పరిస్థితి ఏర్పడింది. ఈ ఎన్నికల్లో కేవలం ఏడు స్థానాల్లోనే మాయావతి పార్టీ అభ్యర్థులు లీడ్ లో ఉన్నారు. కాంగ్రెస్ కు ఏమాత్రం తీసిపోని విధంగా మాయావతి పార్టీ ఈ ఎన్నికల్లో ప్రభావం చూపిందన్న విశ్లేషణలు వెలువడుతున్నాయి.