జగన్ కు ఆ పిచ్చలేదు పవన్ నాయుడూ

జనసేన అధినేత పవన్ కల్యాణ్ పై మంత్రి పేర్ని నాని తీవ్ర స్థాయిలో విమర్శలు చేశారు. పవన్ కల్యాణ్ ను పవన్ నాయుడు అంటూ పదే పదే అంటూ సెటైర్లు వేశారు. ఎవరికి ఏ అంశంలో పిచ్చి ఉంటే ఆ పనులు చేస్తారన్నారు. ముఖ్యమంత్రి జగన్ కు పెళ్లిళ్ల పిచ్చ లేదని, ప్రజాసేవ పిచ్చ ఉందని పేర్ని నాని తెలిపారు. వెంకయ్యనాయుడును పవన్ నాయుడు తిట్టినట్లుగా ఎవరూ దూషించలేదన్నారు. రాష్ట్రంలో ఇన్ని అభివృద్ధి కార్యక్రమాలు జరుగుతున్నా ప్రశంసించని, పవన్ నాయుడు చంద్రబాబు సూచనల మేరకు ఇసుక కొరత, ఇంగ్లీష్ మీడియంపై రచ్చ చేస్తున్నారన్నారు. తాము ఎంత చెప్పినా మీ బుర్రకు ఎక్కదని, పవన్ నాయుడు చంద్రబాబు ట్రాప్ లో పడ్డారని పేర్ని నాని తెలిపారు. పవన్ నాయుడు కు కేవలం చంద్రబాబు మాటలే విన్పిస్తాయన్నారు. జగన్ పై వ్యక్తిగత విమర్శలు చేయడం పవన్ నాయుడుకు ఉన్న సంస్కారమా? అని ప్రశ్నించారు. మీరు మ్యాన్ విత్ ఫ్రైడే అంటే మేము మ్యాన్ విత్ త్రీ ఉమెన్ అంటామన్నారు. ఎవరి తాటతీస్తావో చెప్పాలి అని పేర్ని నాని ప్రశ్నించారు.